Como podemos comunicarnos por videoconferencia

Para realizar unha videochamada, debedes ter instalado o programa Skype no voso dispositivo. Se non o tedes, podédelo descargar aquí elixindo o sistema operativo que utilicedes (Windows, Linux ou MacOS; Android ou iPhone) e seguindo as instrucións para a instalación [por favor, facede isto SEMPRE EN PRESENZA DUN ADULTO].

Despois, deberedes vincular Skype cunha conta de correo electrónico facendo clic en Cree una e seguindo o paso a paso (Recoméndovos facelo coa opción "utilizar una dirección de correo electrónico").

Primeiro pulsades na opción "cree una"

Cando apareza esta pantalla, pinchade en "utilizar una dirección de correo electrónico en su lugar"

Por último, introducides a vosa dirección persoal de correo ou, se non tedes, pedide axuda aos vosos pais. Deberedes introducir un contrasinal para usar Skype.

Unha vez rematedes o paso a paso, enviaranvos un correo á dirección que usastes cun código que deberedes introducir aquí

A seguir, deberedes introducir un novo código que aparecerá na vosa pantalla

O seguinte paso é configurar unha imaxe para a conta. NON POÑADES UNHA FOTOGRAFÍA VOSA. Deixade como está ou elixide unha imaxe que vos represente.

A continuación, deberedes configurar o micrófono e cámara do voso dispositivo seguindo as instrucións que aparezan en pantalla.

Despois, poderedes iniciar videochamadas con normalidade. Para iso, deberedes engadirme como contacto.

Clicade na pestana "contactos" (1) e a continuación en "Nuevo contacto" (2)

Escribides na barra de dirección o correo deste blog: galineirodequinto@gmail.com e facedes clic onde diga "David Profe". Así estarédesme enviando unha solicitude para establecer contacto.

Despois, na lista de contactos debedes facer clic sobre "David Profe" (1) e a seguir na icona da cámara de vídeo (2). Se non tedes cámara web pero si micrófono, podemos iniciar unha chamada de audio (3). Se non tedes vídeo nin cámara web, podemos iniciar un chat.

Deste xeito poderemos estar en contacto. O horario de atención será o noso horario habitual de clases.

Saúdos a todos!